அஜித் படத்துக்காக சிக்ஸ் பேக்கிற்கு மாறிய அருண் விஜய்!

அருண் விஜய் சிக்ஸ் பேக்கிற்கு மாறியுள்ளார்.

ஏற்கெனவே சூர்யா, தனுஷ், விஷால், லேட்டஸ்ட்டாக பரத் உட்பட பலரும் தங்களது படங்களில் சிக்ஸ் பேக் காட்டிவிட்டார்கள். தற்போது அந்த வரிசையில் புதிதாக இணைந்திருப்பவர் அருண் விஜய். ‘என்னை அறிந்தால்’ படத்தில் அஜித்துடன் நடிக்கிறார் அருண் விஜய். தன் 20 வருட சினிமா பயணத்தில் முதல் முறையாக இப்படத்தில்தான் வில்லனாக நடிக்கிறார்.

மேலும் அவர் படத்தில் இடம்பெறும் க்ளைமேக்ஸ் சண்டைக் காட்சிக்காக தனது உடலை சிக்ஸ் பேக்கிற்கு மாற்றியுள்ளார். என்னை அறிந்தால் படம் தன்னை முழுமையாக நிருபிக்கும் படமாக அமையும் என்று நம்பிக்கை தெரிவித்துள்ளார் அருண் விஜய். அருண் விஜய்யின் கட்டுமஸ்தான உடம்பைப் பார்த்து அஜித்தே வியந்து பாராட்டியிருக்கிறார்.

என்னை அறிந்தால் படத்தின் டீசர் அதிக லைக்குகளை பெற்ற முதல் இந்திய திரைப்படம் என்ற பெருமையை பெற்றுள்ளது குறிப்பிடத்தக்கது. கௌதம் மேனன் இயக்க இந்தப் படத்தில் அஜித்துக்கு ஜோடியாக அனுஷ்கா, த்ரிஷா ஆகியோர் நடித்துள்ளனர். படம் பொங்கல் வெளியீடாக திரைக்கு வரவிருக்கிறது.